सिरहा, ४ माघ। सिराहामा प्रहरीले खोजी सूचीमा रहेका प्रमोद यादवलाई पक्राउ गर्न गोली चलाएको छ । सिराहा नगरपालिका– १५ सुखचैना गोली प्रहार हुँदा यादव घाइते भएका छन् । उनको खुट्टामा गोली लागेको छ । प्रहरीले यादवले प्रहरीमाथि नै गोली प्रहार गरेपछि प्रतिरक्षाका लागि गोली प्रहार गरेको जनाएको छ । प्रदेश नम्बर २ का डिआइजी हरि पालका अनुसार यादव विभिन्न अपराधमा संलग्न रहँदै आएका थिए । उनको लामो समयदेखि प्रहरीले खोजी गर्दै आएको थियो ।
