विराटनगर, ६ माघ ।
महानगरपालिका स्तरीय बालक्लबले विराटनगरका विपन्न, अशक्तलाई न्यानो कपडा वितरण गरेको छ । क्लबले विराटनगर महानगरपालिका भित्रका विभिन्न मन्दिर परिसरमा बसेर मागेर गुजारा चलाइरहेका गरीब, विपन्न परिवार सहितका बालबालिकालाई न्यानो कपडा वितरण गरेको अध्यक्ष श्यामकृष्ण गुप्ताले जानकारी दिए । 
विराटनगरका विभिन्न विद्यालयबाट विद्यार्थीहरुको सहयोगमा न्यानो कपडा संकलन गरी वितरण गरिएको गुप्ताले बताए । यस्तै बालक्लबले पूर्वाञ्चल बाल आश्रममा महिनाबारी सम्बन्धी सचेतनामूलक कार्यक्रम गरेको छ भने प्याड पनि वितरण गरिएको क्लबले जनाएको छ । यस अगाडि पनि क्लबले विभिन्न विद्यालयमा स्वास्थ्य सम्बन्धी सचेतनामूलक कार्यक्रम गर्र्दै आएको थियो ।
