बिराटनगर माघ ११ , सरकारले कोशी र नारायणी नदीमा आगामी एक वर्षभित्र पानीजहाज सञ्चालन प्रक्रिया अगाडि बढाउने भएको छ। सरकारले एक साताअघि नै पानीजहाज सञ्चालनका लागि कार्यालय स्थापना गर्ने निर्णयगरिसकेको छ।
सोही कार्यालयमार्फत पानीजहाज दर्तालगायत आवश्यक सम्पूर्ण प्रक्रिया अघि बढाउने बताइएको छ। पानीजहाज कार्यालय स्थापनासँगै जहाज सञ्चालन गर्ने प्रक्रिया औपचारिक रूपमा अघि बढ्ने जल तथा ऊर्जा आयोगले जनाएको छ।
आयोगका सहसचिव माधव बेलबासेले भने, ‘कार्यालय स्थापनासँगै योसम्बन्धी प्रक्रिया अघि बढ्छ।’ प्रधानमन्त्री केपी शर्मा ओलीको भारत भ्रमणका क्रममा हिन्द महासागरबाट नेपालमा पानीजहाज ल्याउने तथा रेल सञ्चालन गर्ने विषयमा नेपाल र भारतबीच सम्झौता भएको थियो।
नेपालको गण्डकी नदीमा भारतको गंगा नदि मिसिने भएकाले गंगास्थित कालुघाटबाट नेपालमा चार पाँचसय टनसम्मकाउ पानीजहाज ल्याउन सक्ने उर्जा आयोगले जनाएको छ ।
