विराटनगर, ११ माघ ।
प्रहरी कार्यालयमा लाईसेन्स लिन गएका एक सेवाग्राहीको मृत्यु भएको छ । शुक्रवार मध्यान्ह जिल्ला प्रहरी कार्यालयमा आफ्नो लाईसेन्स लिन गएका विराटनगर महानगरपालिका ५ ईक्राहीका फणिन्द्र खरेलको मृत्यु भएको हो ।
जिल्ला प्रहरी कार्यालय मोरङका डिएसपी घनश्याम श्रेष्ठका अनुसार, ‘बिहान करिब ११ बजेको समयमा आएका खरेल प्रहरी कार्यालयको प्रतिक्षालयमा बस्दै थिए । केही बेरमा नै गर्मी भयो भनेका उनी ५० सेकेण्ड भित्रै त्यही प्रतिक्षालयमा रहेका अर्का सेवाग्राहीको काखमा ढलेका थिए । उनी ढलेको थाहा पाएको प्रहरीले त्यही नजिकै रहेका सईले खरेलको खुट्टा उठाएर माथि राखेका थिए । गम्भीर अबस्थाका खरेललाई तत्कालै कोशी अञ्चल अस्पताल लगेकोमा मृत्यु भएको अस्पतालले घोषणा गरेको हो ।’
प्रहरीले मापसे चेकजाँच गर्नेक्रममा उनको लाईसेन्स २ गते नियन्त्रणमा लिएको थियो । उनी त्यही लाईसेन्स लिन आएको बेला उनी बेहोस भएर ढलेको प्हरीले जनाएको छ । प्रहरीले कोशी अञ्चल अस्पतालमा मृत्यु भएको बताएपनि उनको प्रहरी कार्यालय भित्रै मृत्यु भएको हुनसक्ने अनुमान गरिएको छ ।
