इलाम नगरपालिकाको इलाम बजारस्थित मालापथमा आगलागी भएको छ ।
आगलागीबाट समता स्कुलको पछाडि रहेको स्थानीय मनबहादुर गुरुङको दुइतले घरमध्ये एकतला पूर्ण क्षति भएको छ । छेउछाउमा अरु घर नजोडिएको हुँदा साे घरमा मात्र क्षति भएको छ ।
बिहान ६ः३० बजे शुरु भएको आगो ८ः०० बजे मात्र पूर्णरुपमा नियन्त्रणमा आएको थियो । इलाम नगरापलिकाको दमकल, सशस्त्र प्रहरी, नेपाल प्रहरी र स्थानीयबासीको सक्रियतामा आगो नियन्त्रणमा आएको हो ।
घरमा खाना बनाउन राखेको ग्याँस सिलिण्डर लिक भएर आगलागि भएको बताईएको छ । चारकोठे पक्की घरमाथि बनाइएको टिनको बेरा भएको चारकोठा पूर्णरुपमा क्षति भएको हाे ।
घरमा भएको सामान निकाल्न नपाए पछि सम्पूर्ण सामान पनि जलेर नस्ट भएको छ । घरमा के कति सामान थियो विवरण आउन नसकेकपछि कति मुल्य बराबरको क्षति भएको हो एकिन मुल्य आउन नसकेको जिल्ला प्रहरी कार्यालयले जनाएको छ ।
