इटहरी माघ १६ । इटहरीस्थित तरहरामा १५ वर्षिया बालिकालाई बलात्कार गरेको खुलेको छ । उक्त घटनामा सामेल भएको आरोपमा तीन जना पक्राउ परेका छन् ।
कक्षा ७ मा पढ्ने ती बालिका तीन महिनाको गर्भवती रहेको थाहा भएपछि बलात्कार भएको घटना सार्वजनिक भएको हो ।
उक्त बालिकालाई फकाएर पक्राउ परेका तीन जनाले बेग्ला बग्लै समय र ठाउँमा यौन सम्बन्ध कायम गरेको खुलेको छ । प्रहरी इन्सपेक्टर बुद्धि चौलागाईका अनुसार कार्तिक अन्तीम हप्तादेखि मंसिर १५ गतेसम्म विभिन्न समय र स्थानमा तीन जनाले यौन सम्पर्क गरेका थिए । उक्त घटनाको विषयमा थप अनुसन्धान भइरहेको चौलागाईँले बताए ।
