काठमाडौं माघ १७ । जल तथा मौसम पूर्वानुमान महाशाखाले आज दिउँसो देशको पश्चिम र मध्य क्षेत्रमा सामान्य बदली रहने र बाँकी भूभागहरुमा आंशिक बदली रहने जनाएको छ । देशका पश्चिमी भेगका थोरै स्थानहरु र मध्य र पूर्वका एक दुई स्थानहरुमा हल्का वर्षाको सम्भावना रहेको समेत महाशाखाले जनाएको छ । हिमाली भेगका केही स्थानमा हल्का देखि मध्यम खालको हिमपातको संभावना रहेको जनाइएको छ ।
त्यसैगरी आज राति देशभर मौसम सामान्यतया बदली रहने र देशका पश्चिमी भेगका थोरै स्थानहरु र मध्य र पूर्वका एक दुई स्थानहरुमा हल्का वर्षाको सम्भावना रहेको जनाइएको छ । साथै हिमाली भेगका केही स्थानमा हल्का देखि मध्यम खालको हिमपातको संभावना रहेको पूर्वानुमान महाशाखाले जनाएको छ ।
भोलि शुक्रबार दिउँसो देशको पूर्वी क्षेत्र तथा पहाडी भूभागमा मौसम सामान्यतया बदली रहने र बाँकी भूभागहरुमा आंशिक बदली रहने जनाइएको छ । देशका पहाडी भू-भागका एक दुई स्थानहरुमा हल्का वर्षाको संभावना रहेको पूर्वानुमान महाशाखाले जनाएको छ । साथै, हिमाली भेगका केही स्थानमा हल्का देखि मध्यम खालको हिमपातको संभावना समेत रहेको छ ।
भोलि राति देशका पहाडी भू भागमा सामान्यतया बदली रहने र बाँकी भूभागहरुमा आंशिक बदली रहने जनाइएको छ। देशका पहाडी क्षेत्रका एक दुई स्थानहरुमा हल्का वर्षाको संभावना हुनुका साथै हिमाली भेगका केही स्थानमा हल्का हिमपातको संभावना रहेको जनाइएको छ ।
त्यसैगरी शनिबार दिउँसो देशका पहाडी भूभागमा आंशिक बदली हुनुका साथै बाँकी भूभागहरुमा मौसम सामान्यतया सफा रहने जनाइएको छ । शनिबार राति देशका पहाडी भूभागमा आंशिक बदली हुनुका साथै बाँकी भूभागहरुमा मौसम सामान्यतया सफा रहने जनाइएकोछ ।
