मोरङ, माघ २० गते ।
विराटनगर महानगरपालिका-१५ भन्सार कार्यालयको १ नम्बर ढाटबाट प्रहरीले आइतवार लागूऔषध सहित १ महिलालाई पक्राउ गरेको छ ।
सिमा प्रहरी चौकी रानीबाट खटिएको प्रहरी टोलीले बिहान साढे ११ बजे लागूऔषध सहित सुनसरी धरान उप-महानगरपालिका-१९ बस्ने बर्ष ३५ की सिर्जना राईलाई पक्राउ गरेको हो ।
राईको साथबाट प्रहरीले लागूऔषध लुपिजेसिक-२२ एम्पुल, एभिल-२२ एम्पुल, डाईजेल्याब-२२ एम्पुल र फेनारागन-४ एम्पुल फेला पारी बरामद गरेको हो ।
बरामद लागूऔषध सहित राईलाई इलाका प्रहरी कार्यालय रानीमा राखि थप अनुसन्धान भईरहेको उक्त कार्यालयले जनाएको छ ।
