बिराटनगर माघ २१ ,
विराटनगरमा जारीरहेको ‘विराट फूटवेयर एक्स्पो’ मा सर्वसाधारणको भिड बढ्दै गएको छ ।विराटनगर–७ सात घुम्ती स्थित खाली जग्गामा सुरु भएको उक्त जुत्ताचप्पल मेलामा बिराटनगर साथै झापा , सुनसरी , धनकुटाबाट पनि ग्राहकको उपस्थिति रहिआएको छ ।
सस्तोमा जुत्ताचप्पल पाउने भएपछी सीमावर्ती भारतबाट पनि दैनिक ग्राहक आउने गरेको मेला आयोजकले जनाएको छ । "कारोबार राम्रो भइरहेको छ एक्स्पोमा , हामीले नयाँ काठमाडौंबाट थप नयाँ मोडेलका जुत्ताचप्पल पनि झिकाएका छौ" मेला संयोजक होमनाथ उपाध्यायले बताए ।
मेलामा छाला जुत्ता, स्पोर्टस जुत्ता, स्कुल, कलेज, पार्टी सुज, चप्पल, लेडिज चप्प्ल, हवाई च्प्पल लगायतका वस्तु विक्रीका राखिएको छ । उत्पादक कम्पनीहरुले १५ देखि ६० प्रतिशतसम्म उपभोक्तालाई छुट दिएको मेला ग्राहकहरुको उल्लेखनिय सहभागिता रहेको संयोजक उपाध्ययले बताउनुभयो ।
मेलामा वि.एफ डियर हिल सुज, रोयल सुज, रन सुज, क्रस रोड सुज, म्याजिक, हाइलाइफ, सु ल्याण्ड, कोसेली सुज प्रदर्शनीमा राखिएको छ ।
