विराटनगर, २१ माघ । विराटनगर महानगरपालिका-१५ बाबा सिनेमा हल नजिकबाट प्रहरीले लागूऔषध सहित एक युवकलाई पक्राउ गरेको छ । लागूऔषध नियन्त्रण ब्यूरो विराटनगरबाट खटिएको प्रहरी टोलीले सुनसरी धरान उप-महानगरपालिका-३ बस्ने बर्ष २३ को प्रज्वल ताम्राकारलाई लागूऔषध एभिल-१५ एम्पुल, डाईजोल्याब-१५ एम्पुल, लुपिजेसिक-१५ एम्पुल र फेनारगन- ४ एम्पुल सहित पक्राउ गरेको हो । बरामद लागूऔषध सहित ताम्रकारलाई इलाका प्रहरी कार्यालय रानीमा राखि थप अनुसन्धान भईरहेको उक्त कार्यालयले जनाएको छ ।
