धनकुटा, २५ माघ । धनकुटाको महालक्ष्मी नगरपालिका-२ तोरीबारी बस्ने धन बहादुर थापाको घरमा आगलागी हुँदा करिब १० लाख ३७ हजार मूल्य बराबरको क्षति भएको छ । खोले पकाउने क्रममा अचानक आगलागी हुँदा थापाको ढुंगा माटोले बनेको टिनको छानो भएको ३ तले घर, घर भित्र रहेको सम्पूर्ण सामान, नगद ६० हजार जलेर नष्ट भएको छ । आगो निभाउने क्रममा थापाकी श्रीमती बर्ष ४५ की मनमाया थापा आगोले जलेर घाइते भएको जिल्ला प्रहरी कार्यालय धनकुटाले जनाएको छ ।
