विराटनगर, २७ माघ ।
विराटनगरमा टिप्परको ठक्करबाट एक साईकल यात्रीको ज्यान गएको छ । आईतवार बिहानै बिराटनगरको बरगाछिमामा टिप्परले साईकल यात्रीलाई ठक्कर दिँदा उनको ज्यान गएको हो । कन्चनबारीबाट बरगाछि तर्फ आउँदै गरेको साईकल यात्रीलाई तिनपौनीबाट बरगाछि कन्चनवारी तर्फ जाँदे गरेको को१ ख ७०९२ नम्बरको टिप्परले ठक्कर दिएको हो । टिप्परले ठक्कर दिए लगत्तै साईकल यात्रीको ज्यान गएको जिल्ला प्रहरी कार्यालय मोरङले जनाएको छ । मृतकको नाम तथा ठेगाना खुल्न सकेको छैन । थप विवरण आउन बाँकी छ ।
