बिराटनगर फाल्गुन ३ ,
विराटनगरमा जारी विराट फुटवेयर एक्स्पोमा १ करोड ५० लाख बढीको बराबर भएको छ । विराटनगरको मेनरोडमा गएको ९ गतेबाट शुरु भएको मेलामा दैनिक ग्राहकको भिड हुने गरेको छ ।
मेलामा बिराटनगर लगायत मोरङ , सुनसरी तथा झापाबाट ग्राहकको ठुलो घुइचो लाग्ने गरेको छ । "पहिले ल्याएका सबै जुत्ताचप्पल सकिएर अहिले नया स्टक पनि ल्याएका छौ , ग्राहकको भिड बढेकोले सबै उत्साहित छौ" मेला संयोजक होमनाथ उपाध्यायले बताए ।
सस्तोमा बजार भन्दा गुणस्तरीय जुत्ताचप्पल पाएको मेलामा सामेल ग्राहकले बताए । "बजारमा ३-४ हजार पर्ने जुत्ता यहाँ ८ सय मै पाए , यस्ता मेला सधै भए ग्राहकले बजारमा ठगिनुपर्दैन थियो" मेलामा सुनसरीबाट आएका रमेश मुखियाले बताए ।
एक्स्पोमा सहभागि देशभित्रका १० वटा प्रतिष्ठित जुत्ताचप्पल उद्योगले १५ देखि ६० प्रतिशतसम्मको छुटमा आफ्ना उत्पादन विक्री गरिरहेका छन ।
