बिर्तामोड, ४ फागुन । भन्सार छलेर ल्याएको २८ थान मोबाइल प्रहरीले झापाको काँकडभिट्टाबाट बरामद गरेको छ। सीमा सुरक्षामा खटिएका सशस्त्र प्रहरीले २८ थान मोबाइल सेट बरामद गरेका हुन्। मेची नगरपालिका–६ को बसपार्क क्षेत्रबाट करिब ४ लाख ३२ हजार रुपैयाँ बराबरको चोरीपैठारीको २८ थान मोबाइल बरामद गरिएको हो।
भारतबाट अवैध रुपले भन्सार छली नेपालतर्फ ल्याउँदै गरेको मोबाइल सशस्त्र प्रहरी बल, नेपाल गुल्म हेक्वा झापा नम्बर ८ गुल्मबाट खटिएको टोलीले बरामद गरेको सशस्त्र प्रहरी प्रवक्ता अजय छतकुलीले जानकारी दिए। बरामद मोबाइल आवश्यक कारवाहीको लागि भन्सार कार्यालयमा बुझाइएको उनको भनाइ छ।
