विराटनगर, ६ फागुन । मोरङको मिक्लाजुङ गाउँपालिका-२ साखारे भन्ने स्थानमा आफ्नै काकालाई धारिलो हतियार (खुर्पा) प्रहार गर्ने भतिजालाई प्रहरीले पक्राउ गरेको छ ।गएराती साढे ८ बजे मादक पदार्थ सेवन गरेका भतिजा सोही स्थान बस्ने बर्ष २५ को सुमन साउदेन लिम्बुले आफ्नै काका बर्ष ४२ को खेम साउदेन लिम्बुलाई (खुर्पा) प्रहार गरेका थिए । हतियार प्रहारबाट घाइते लिम्बुलाई उपचारको लागि साझा अस्पताल मधुमल्ला पठाईएको ् इलाका प्रहरी कार्यालय मधुमल्लाले जनाएको छ । हतियार प्रहार गर्ने भतिजालाई प्रहरीको नियन्त्रणमा राखि थप अनुसन्धान भईरहेको उक्त जनाईएकाे छ ।
