प्रेम देवान
विराटनगर, ६ फागुन । नेपालका लागि निशान मोटर्सद्वारा उत्पादित गाडीहरुको आधिकारिक बिक्रेता पायोनियर मोटो कर्प प्रा.लि ले विराटनगरबाटद कारोवार शुरु गरेको छ । आज एक कार्यक्रमको आयोजना गरी निसानको उत्कृष्ट गाडी किक्स विराटनगरमा लन्च गरेका हो ।
किक्स गाडीले आफ्ना ग्राहकहरुलाई विशेष सुविधासहित आरामदायी सेवा दिने उदेश्य सोमबारबाट विराटनगरमा एक कार्यक्रम विच किक्स गाडी बजारमा ल्याएको हो । किक्स गाडीको साराडा ग्रुपका डाईरेक्टर श्रीनिवास साराडा, अमित साराडा र पायोनियर मोटो कर्प प्रा.लि विराटनगर शाखाका व्रान्च मेनेजर अमित अग्रवालले किक्स गाडीको लन्चिङ गरेका थिए ।
गाडीमा विशेषता उत्कृष्ट रहेकोले सुरक्षाको हिसावले अब्बल मानिएको किक्स गाडी नेपाली बजारमा शुरुको रकम ४७ लाख ९९ हजारमा र बढी रकम ५९ लाख ९९ हजारसम्ममा खरिद गर्न सकिने जनाईएको छ ।
लन्च भएको एक साता भित्र बुकिङ्ग गर्ने ग्राहकलाई एक लाख ५० हजारसम्म छुटको व्यवस्था गरिएको व्रान्च मेनेजर अमित अग्रवालले जानकारी दिए । नयाँ बजारमा ल्याएको गाडीमा ८ इन्चको टचस्क्रिन जसलाई एन्ड्रोइड तथा एप्पल प्रणालीद्वारा सञ्चालन गर्न सकिन्छ साथै एलईडी प्रोजेक्टरको हेड ल्याम्प, अटोमेटिक क्लाइमेट कन्ट्रोल छन् । त्यसैगरी इलुमिनेटेड ग्लोभ बक्स, क्रुज कन्ट्रोल, भ्वाइस रिकग्निसन, गाडी स्टार्टको लागि साँचो नचाहिने स्मार्ट कार्ड, चालकको लागि हाइट मिलाउन मिल्ने सिट रहेको अग्रवालले जानकारी दिए ।
यो एसयुभी गाडी डिजेल ईन्जिनमा एक्स एल, एक्सभी, एक्सभी प्रिमियम गरी तीन प्रकारका र पेट्रोल ईन्जिनमा एक्सएल र एक्सभी गरी दुईप्रकारका रहेका छन् । यसैगरी नयाँ निसान किक्स पर्ल ह्वाइट, ब्लेड सिल्भर, ब्रोजन ग्रे फायर रेड, एम्बर अरेन्ज, जीप ब्लु पर्ल र नाइट सेड गरी जम्मा ७ प्रकारका विभिन्न कलरमा उपलब्ध भएको कम्पनीले जनाएको छ ।
