प्रेम देवान
विराटनगर ९ फागुन । विराटनगरमा पहिलो पटक डान्स गर्ने पारखीहरुका लागी सेयर इट डान्स क्याम्प हुने भएको छ । विगत लामो समयदेखि विराटनगरमा विभिन्न डान्स प्रतियोगिता तथा ईभेन्ट अर्गनाईज गर्दै आएको न्यूक्लीयर डान्स ग्याङ्ग ६ दिने डान्स क्याम्प गर्ने भएको छ । 
साथै ६ दिन डान्स क्याम्पलाई विराटनगरमा रहेका भाईरल डान्स स्टुडियोले सहकार्य गर्ने भएको छ । डान्स क्याम्पमा ५ बढी विधामा डान्स सिकाईने छ । यसका लागी भारतमा विभिन्न डान्स रियालीटी सोहरुमा सहभागिता जनाईसकेका डान्सरहरुले प्रशिक्षण दिनेछन् । 
यसका लागी भारतबाट अजय अग्रवाल, अंकित डि.रोवो, चाउ ईन लाई, प्रिंयकी पटेल र अपुरभ सावन्त डान्स क्याम्पको लागी आउने भएका छन् । डान्स क्याम्प आगामी चैत्र २५ देखि ३० गते सम्म हुदैछ । यसका लागी सुरुमा सहभागिता जनाउने व्याक्तीलाई छुटको समेत व्यावस्था गरिएको छ । फागुन १६ गते अगाडी नै क्याम्प जोईन गर्नेलाई रु १२ सय सम्म छुकटको व्यावस्था गरिएको न्यू क्लीयर डान्स ग्याका रेमो रायले जानकारी दिए । साथै विराटनगरबाहीबाट आउने सहभागीलाई खाना बस्नको व्यावस्था समेत गरिएको रायले बताए । डान्स क्याम्प पस्चात पुन न्यूक्लीयरले डान्स युद्ध गर्ने जनाएको छ । ६ दिन सम्म हुने क्याम्पमा भारतबाट समेत आउने आयोजकले जनाएको छ । 
