संखुवासभा,१३ फागुन । संखुवासभाको खाँदवारी नगरपालिका-३ मा आफ्नै श्रीमतीलाई धारिलो हतियार प्रहार गर्ने श्रीमानलाई प्रहरीले पक्राउ गरेको छ ।
बेलुका साढे ७ बजे मादक पदार्थ सेवन गरी घरायसी बिवाद हुँदा डेरा गरी बस्ने बर्ष ३८ को ध्रुब बि.क. ले आँफ्नै श्रीमती बर्ष ३२ को अन्जना बि.क. लाई धारिलो हतियार खुकुरी र चक्कु प्रहार गरेका थिए । हतियार प्रहारबाट शरिरको बिभिन्न भागमा चोट लागेर घाइते भएकी बि.क.लाई उपचारको लागि जिल्ला अस्पतला खाँदवारी पठाईएको छ । हतियार प्रहार गर्ने ध्रुव बि.क. लाई प्रहरीले नियन्त्रणमा लिएकाे छ । घटना सम्बन्धमा थप अनुसन्धान भईरहेको जिल्ला प्रहरी कार्यालय संखुवासभाले जनाएको छ ।
