बिराटनगर फाल्गुन १४
विराटनगरमा हुन लागेको साफ महिला च्याम्पियन्सीप फुटबलमा पाकिस्तानको टोली नआउने भएको छ। साफ महिला च्याम्पियनशिप पहिलोपटक आयोजनाको अवसर पाएको अखिल नेपाल फुटबल संघ एन्फा र साफले नयाँ तालिका सार्वजनिक गर्दै पाकिस्तानको उपस्थिती नहुने जनाएको हो।
साफका लागि पाकिस्तानसहित ७ टोलीको उपस्थितीमा प्रतियोगिता हुने जनाइएको थियो। य पाकिस्तान फुटबलमा देखिएको आन्तरिक विवाद यसको कारण हुनसक्ने अनुमान एन्फाका पदाधिकारीले गरेका छन्।
यस्तो छ तालिका :
नयाँ तालिका अनुसार २८ गते पहिलो उद्घाटन खेलमा भुटानले घरेलु टोली नेपालको सामना गर्नेछ। विराटनगरको सहिद रङशालामा हुने खेल दिउँसो ३ बजे सुरु हुनेछ। त्यसैगरी, साविक विजेता भारतले २९ गते मालदिभ्सको सामना गर्नेछ। त्यसैगरि चैत्र ६ गते बुधबार विहान ११ र दिउँसो ३ बजे गरि प्रतियोगिताको सेमीफाइनल हुनेछ। उपाधि भीडन्त भने पूर्व निर्धारित मिति चैत्र ८ गतेनै हुनेछ।
प्रतियोगितामा सहभागि टोलीका लागि प्रशिक्षण मैदानका रुपमा विराटनगरको विराटनगर जुटमिल्स मैदान, डिपिएस स्कुलको मैदान र मैदान व्यवस्थापन उपसमितिले जनाएको छ। हालसम्म साफ महिलामा भारतले सर्वाधिक लगातार ४ पटक उपाधि चुमेको छ। त्यसैगरि नेपालले तीन पटक उपविजेतामा चित्त बुझाएको छ भने, बंङ्लादेश साविकको उपविजेता टोली हो।
