खोटाङ, १७ फागुन । खोटाङको दिक्तेल रुपाकोट मझुवागढी नगरपालिका-११ खार्मी बस्ने जयप्रसाद तामाङको घरमा आगलागी हुँदा २० लाख ९ सय ५० रुपैयाँ मूल्य बराबरको क्षति भएको छ । अचानक भएको आगलागीबाट तामाङको ढुङगा माटोले बनेको टिनको छानो भएको २ तले घर, घर भित्र रहेको अन्नपात, भाडावर्तन, लत्ताकपडा, काठपात, कुखुरा १६ ओटा, नगद ३५ हजार ५ सय ५० र दिक्तेल रुपाकोट मझुवागढी नगरपालिका वडा नम्बर ११ खार्मीको नाममा रहेको मोटरसाईकल १ थान जलेर नष्ट भएको जिल्ला प्रहरी कार्यालय खोटाङले जनाएको छ ।
