बिराटनगर फाल्गुन १९ ,
बिराटनगरमा बृहत् युवा उद्यमी सम्मेलन हुने भएकाे छ। चेरी स्टुडियो प्रालिले चैत्र २ गते बिराटनगर स्थित होटल नमस्कारमा “Young Entrepreneur Summit 2019” नामक सम्मेलन आयोजना गर्ने भएको हाे । एक दिनसम्म चल्ने सो सम्मेलनले नयाँ उद्यमी सोचलाई अगाडी ल्याएर अहिले बजारमा क्रियाशील सफल उध्यमीका बिच प्रस्तुत गरी लगानीको वातावरण सृजना गरिने चेरी स्टुडियोका कार्यकारी प्रमुख निश्चल निरौलाले बताए ।
सम्मेलनमा मुलुकका विभिन्न भागमा फरकफरक व्यवसाय गरेर बसिरहेका युवा उद्यमी, भेन्चर क्यपिट्लिस्ट र लगानिकर्ता हरुको विशेष उपस्थिति रहनुका साथै युवा उद्यमीबीच सबल सम्पर्क विस्तार गर्न, प्रतिस्पर्धी व्यवसायको पहिचान गर्न र नेपाली अर्थतन्त्रका महत्वपूर्ण क्षेत्रबारे सहभागीहरूमा जनचेतनाको वृद्धि गर्न सघाउने कार्यक्रम सम्योजक बिपुल नेपालले बताए ।
नेपालका अनुसार साे सम्मेलनमा करिव ३०० जानाकाे सहभागीता रहने छ।
