विराटनगर १९ फागुन । विराटनगर २ मा रहेको सेन्टजोसेफ कलेजमा अध्ययनरत होटल मेनेजमेन्टका विद्यार्थीहरुले आफूले एक वर्षसम्म पढेको ज्ञानलाई व्यावहारिक रुपमा उतारेका छन् । 
कलेजमा अध्ययनरत विद्यार्थीहरुले होटेल मेनेजमेन्ट सम्बन्धी अध्ययन गरेका ज्ञानलाई प्रयोग गर्दै विभिन्न खानाका परिकारहरु बनाएका थिए ।
विद्यार्थीहरुले ब्लाक फोरेस्ट केक, व्रेड बन्स, व्रेड स्लाईस,फ्रुड ट्रेड, रसियन सलाद, कप केक , ईटालिन, चाईनिज, ईन्डियन परिकार बनाएका थिए ।
२०७४ सालदेखि होटल मेनेजमेन्ट विषय पढाउदै आएको कलेजमा हाल ८० जना विद्यार्थीहरु अध्ययनरत रहेको होटल मेनेजमेन्टका विभागिय प्रमुख मनोज राजवशीले जानकारी दिए । कलेजले आउने बर्षमा पनि अझ विद्यार्थीको संख्या बढाउदै लैजाने राजवशीले बताउनुभयो । साथै कलेजले कक्षा १२ का विद्यार्थीलाई विदाई कार्यक्रम समेत गरेको छ । विदाई कार्यक्रममा कक्षा ११ का विद्यार्थीहरुले विभिन्न सांगितिक कार्यक्रम गरी विदाई गरेका थिए । 
