विकास घिमिरे , धनकुटा २१ फागुन ।
धनकुटाको मुलघाटमा रहेको बिश्रान्ति वृद्धाश्रमा पितृ भवन निर्माण भएको छ । व्यवसायी कृष्णगोपाल श्रेष्ठले ७६ लाख रुपैयाँ खर्चेर पितृ भवन निर्माण गरिदिनुभएको छ ।
नवनिर्मीत भवनमा पितृकार्य स्थल, पाहुना कक्ष र सेमिनारहल लगायतका सुविधा छन् । यसअघि ब्यवसायी श्रेष्ठले आफ्नी आमाको नाममा विश्रान्तिमा स्वास्थ्य उपचार केन्द्र भवन निर्माण र खानेपानीको व्यवस्था गरिदिनुभएको थियाे ।
श्रेष्ठले यहाँ आश्रीत जेष्ठनागरिकका लागि बीस बर्ष अघिदेखि नियमित बार्षिक २५ क्वीन्टल चामल उपलब्ध गराउँदै आउनुभएको छ ।
