संखुवासभा, २३ फागुन। संखुवासभाको मादी नगरपालिका-५ ढाडेगाउँबाट प्रहरीले गएराती अमेरिकन पेस्तोल सहित २ जनालाई पक्राउ गरेको छ । बिशेष सुराकीको आधारमा जिल्ला प्रहरी कार्यालय संखुवासभाबाट खटिएको प्रहरी टोलीले १ थान अमेरिकन पोस्तोल, १ थान म्याग्जिन र सोही पेस्तोलमा लाग्ने गोली १ थान सहित सोही स्थान बस्ने बर्ष २३ को बुद्धिमान तामाङ र बर्ष ३६ को संजय तामाङलाई पक्राउ गरेको हो । हतियार सहित पक्राउ परेका दुवै जनालाई जिल्ला प्रहरी कार्यालय संखुवासभामा राखि थप अनुसन्धान प्रहरीले जनाएकाे छ ।
