विराटनगर, २५ फागुन ।
विराटनगर महानगरपालका वडा नम्बर १२ मा आगलागी भएको छ । आज बिहान करिब २ बजेको समयमा स्थानीय लखनलाल मण्डलको घरमा आगलागी हो ।मण्डलको ३ कोठाको घर र गोठमा आगलागी भएको प्रहरीले जनाएको छ । आगलागीबाट घर भित्र रहेका सबै सामान जलेको लखानलालले बताए । आगलागीबाट करिब ६ लाख मुल्य बरावरको क्षती भएको प्रहरीले जनाएको छ । आगलागीको कारण भने खुलेको छैन । शिव शंकर मण्डलको घरमा समेत आगलागी भएको हो । आगलागीबाट घरमै भएको एउटा मोटरसाईकल, साईकल लगायतका सामान जलेको छ । दमकल, प्रहरी र स्थानीयवासीकाे सक्रियतामा विहान ५ बजे आगाे नियन्त्रणमा आएकाे छ ।
