विराटनगर, २९ फागुन । विराटनगरको सहिद रंगशालामा जारी साफ महिला च्याम्पियन्सिप फुटबल प्रतियोगितको दोस्रो दिनको खेलमा भारतले जीतेकाे छ । माल्दिभ्सलाई ०-६ गाेल अन्तरले पराजीत गर्दै भारतले बिजयी शुरुवात गरेकाे हाे ।
सुरुमै आक्रमक प्रदर्शन गर्दै पहिलो हाफको १४ मिनेटमै तीन गोलको अग्रता लिएकाे थियाे । भारतका लागि पहिलो गोल खेलको आठौँ मिनेटमा ग्रासेई दाङ्गमैईले गरिन् । पहलो गोल गरेको पाँच मिनेट नबित्दै भारतका लागि स्विटी देवीले अर्को गोल थप्दै अग्रता बलियाे बनाईन् । त्यसपछि भारतका लागि खेलको २३ औँ मिनेटमा इन्दुमतिले गोल गरेकी थिईन् । खेलको २७ औँ मिनेटमा सञ्जुले अर्को गोल गरेकाे थियाे । भारतकाे तर्फबाट खेलकाे पहिलो हाफमा पाँचौ गोल रतन्वाला देवीले गरिन् । भारतकालागि अन्तिम गाेल ९० मिनेटमा सञ्जुले नै गरिन् ।
मंगलबार भएको उद्घाटन खेलमा नेपालले भुटानलाई ३-० गोलअन्तरले पराजित गरेको थियो । महिला साफ च्याम्पियन्सिपमा भारत चार पटकको च्याम्पियन हो ।
