विराटनगर फाल्गुन ३० । विप्लव नेतृत्वको नेपाल कम्युनिस्ट पार्टी (नेकपा) ले आह्वान गरेको नेपाल बन्दले विराटनगरमा सामान्य प्रभाव परेको छ ।
आफ्ना कार्यकर्ता माथि सरकारबाट भइरहेको धरपकड बन्द गरी पक्राउ परेका कार्यकर्ता रिहाइको माग गर्दै विप्लव समूहले बिहीबार नेपाल बन्द आह्वान गर्दा विराटनगरमा जनजीवन प्रभावित बनेको हो ।
आज बिहानै देखि विराटनगरमा यातायातका साधन केहि मात्रामा मात्रै चलेका छन् । विषेशगरि लामो दुरीका सवारीसाधन प्रभावित भएका छन् । विराटनगरमा कल कारखाना, पसल भने खुला नै रहेको छन् तर शैक्षिक संस्था पूर्णरुपमा बन्द भएका छन् ।
