विराटनगर फाल्गुन ३० ,
विराटनगरमा आउदो होलीमा नशारहित होली कार्यक्रम हुने भएको छ । विराटनगरको बि प्लटमा चैत ६ गते विहान ८:३० बजे विराटनगरमा काम गरिरहेका युवा संघसंस्थाहरु सहितको आयोजनामा उक्त कार्यक्रम हुन लागेको हो ।
होलीको मौका छोपेर युवावर्गमा नशा सेवनको बानी बस्ने हुदा युवावर्गमा जनचेतनामूलक कार्यक्रम गर्न लागिएको आयोजक दिपक चापागाईंले जानकारी दिए । विहिवार विराटनगरमा आयोजना गरिएको एक बैठकबाट आयोजक कमिटी गठन गरी विराटनगरका १५ वढि संघसंस्थाको आयोजनामा उक्त सामाजिक कार्यक्रम गरिन लागेको हो।
कार्यक्रममा मुख्य मन्त्री, मन्त्री देखि कलाकार दिपाश्री निरौला, सुमित खड्का लगायत विराटनगरका विभिन्न समुहको उपस्थिति रहने साथै कार्यक्रममा लागुअौषध र मदिराजन्य पदार्थको जनचेतनामूलक टिसर्ट साथै ब्यानर पनि लगाईने छ ।
