विराटनगर, १ चैत ।
बिराटनगरको न्यूरो कार्डियो एण्ड मल्टिस्पेसियालिटि हस्पिटलले ताप्लेजुङ सिनाम स्थित सिनाम माध्यमिक बिद्यालयमा अध्ययनरत गरिब तथा बिपन्न वर्गका बिद्यार्थीहरुका लागि एक लाख रुपैँयाँको अक्षयकोष स्थापना गरेको छ ।
शुक्रवार एक कार्यक्रमको आयोजना गरि सिनाम माध्यमिक बिद्यालयका शिक्षक सिहंवहादुर ईवारमलाई न्यूरो हस्पिटलका कार्यकारी निर्देशक अनिशा विष्टले एक लाख रुपैयाँको चेक हस्तान्तरण गरिन् । कार्यकारी निर्देशक विष्टले गरिब तथा बिपन्न भएकै कारण बालबालिकाले शिक्षाबाट बञ्चित हुन नहुने भन्दै अक्षयकोष स्थापना गरिएको बताईन् । उनले सामाजिक उत्तरदायित्वका रुपमा हस्पिटलबाट हुने सानो सहयोगले समाजका गरिब तथा बिपन्न बालबालिकालाई पढ्न राहत मिल्ने बताईन् ।
सिनाम माध्यमिक बिद्यालयका शिक्षक सिहंवहादुर ईवारमले न्यूरो हस्पिटलले स्थापना गरेको अक्षयकोषले ताप्लेजुङका विपन्न बालबालिका लाभान्वित हुनेमा खुसी व्यक्त गरे । अहिलेपनि ग्रामिण बस्तीमा धेरै बालबालिका शिक्षाको उज्यालो घामबाट बञ्चित भएको बताउँदै त्यस्ता बालबालिकालाई बिद्यालय ल्याउन अभिप्रेरित गर्ने सुनाए ।
