संखुवासभा, चैत्र ०२ गते ।
संखुवासभाको सिलिचुङ गाउँपालिका-२ माक्रुडाँडामा शनिवार विहान आगलागी हुँदा अन्दाजी ६ लाख मूल्य बराबरको क्षति भएको छ ।
बिहान ६ बजे सोही स्थान बस्ने जंग बहादुर राईको घरमा बिजुली तार सर्ट भई आगलागी हुँदा राईको ढुंगा माटो र काठले बनेको फुसको छानो भएको २ तले घर, घर भित्र रहेको अन्नपात, लत्ताकपडा, भाडावर्तन र नगद ७ हजार जलेर नष्ट भएको छ । उक्त स्थानमा प्रहरी चौकी सिस्वाटारबाट प्रहरी टोली खटि गई स्थानीयको सहयोगमा आगो पूर्ण रुपमा नियन्त्रणमा आएको जिल्ला प्रहरी कार्यालय संखुवासभाले जनाएको छ ।
