विराटनगर चैत २,
विराटनगरमा युवा उघमशीलता समिट सम्पन्न भएको छ । शनिबार विराटनगरको नमस्कार होटलमा आयोजना गरिएको कार्यक्रममा ६ वटा नयाँ विजनेस आइडिया प्रस्तुत गरिएको थियो । चेरी स्टुडियोको आयोजनामा भएको कार्यक्रममा युवाहरुले उद्यमशीलताका बारेमा प्रस्तुति दिएका थिए ।
विद्यार्थीहरुले पुराना फेल्सबाट झोला बनाउने देखि अनलाइन किताब बेच्ने , इभेन्ट म्यानेजमेन्ट , कन्टेनर , कारखाना , लाईभ स्किल तालिम लगायतका नयाँ विजनेसका बारेमा चर्चा गरेका थिए ।
कार्यक्रममा विराटनगरका मेयर भिम पराजुली , शिक्षासेवी भेषराज पोखरेल , नमस्कार होटलका निर्देशक युनिशराज श्रेष्ठ , ओबि मिडिया प्रालिका प्रबन्ध निर्देशक बिबेक दाहाल , युवा अभियानकर्मी चांद ईराकी लगायतको उपस्थिति रहेको थियो ।
