काठमाडौं । गुडिरहेको बसमा विद्युतको तार सर्ट भइ आगलागी हुँदा बससहित एक मोटरसाइकल पनि जलेको छ ।
सुर्खेतबाट कालिकोट जाँदै गरेको बसमा शनिबार दिउँसो आगलागी भएको थियो ।
सो क्रममा बसको छतमा राखिएको बा ९८ प ४२३२ नम्बरको मोटरसाइकल पनि जलेर ध्वस्त भएको छ ।
जिल्ला प्रहरी कार्यालय सुर्खेतका अनुसार बा ४ ख ८७८ नम्बरको बसमा कर्णाली राजमार्गको हुड्के खण्डमा आगलागी भएको थियो ।
सो क्रममा प्रवेश कठायतको मोटरसाइकल बसबाट निकाल्न नसक्दा जलेर क्षतिग्रस्त बनेको हो । आगलागीबाट मानवीय क्षति भने हुन पाएन ।
