काठमाडौँ चैत ४ । राष्ट्रिय जनता पार्टी (राजपा) ले आज सोमबारको प्रतिनिधि सभा बैठक पनि अवरुद्ध गरेको छ ।
मधेश तथा थारुहट आन्दोलनका क्रममा भएको घटनाको सम्बन्धमा न्यायिक छानविनका लागि सरकारले गठन गरेको न्यायाधीश गिरिशचन्द्र लाल नेतृत्वको न्यायिक आयोगको प्रतिवेदन सार्वजनिक गर्न माग गर्दै राजपाले संसद अवरुद्ध गरेको हो ।
राजपाले आइतबारको संसद पनि अवरुद्ध गरेको थियो ।
प्रतिनिधिसभाको बैठक सुरु हुनासाथ राजपाका सांसदहरुले आ–आफ्नो स्थानबाट उभिएर संसद अवरुद्ध गरेका हुन् । सांसदहरुले संसद अवरुद्ध गरेपछि बैठक १० मिनेटका लागि स्थगित गरिएको छ ।
