ताप्लेजुङ,७ चैत । ताप्लेजुङको मेरिङदिन गाउँपालिका-२ सान्थाक्रामा भएको आगलागीमा एक जनाको मृत्यु भएको छ । स्थानीय जित बहादुर आङवुङ लिम्बुको घरमा भएको आगलागीमा परी उनकी श्रीमती बर्ष ३५ की बुद्धमाया आङवुङको आगोले डढेर मृत्यु भएको जिल्ला प्रहरी ताप्लेजुङले जनाएको छ । आगलागी ईलाका प्रहरी कार्यालय दोभानबाट खटिएको प्रहरी टोली र स्थानीयवासीको सहयोगमा नियन्त्रणमा आएकाे हाे ।
