विराटनगर,७ चैत । मोरङकाे रतुवामाइ नगरपालिका ४ आमबारी गौरिगन्ज सडक खण्डबाट प्रहरीले १५ किलाे गाँजा बरामद गरेकाे छ । आमबाडी सडक छेउमा रतुवामाई २ मियाटोलका बर्ष ५० को भभला भन्ने मेहेरोउदिन मियाले लग्दै गरेकाे गाँजा प्रहरीले बरामद गरेकाे हाे । मियाँले रतुवामाई ४ भद्र चोक बस्ने शोभादेवी साह र उनका छोरा बर्ष २५ को राहुल भन्ने विक्की साहलाई प्लाष्टिकको झोलामा लुकाइ छिपाई लग्दै गरेकाे अबस्थामा गाँजा बरामद भएकाे प्रहरीले जनाएकाे छ । प्रहरी चाैकी झुर्कियाबाट खटिएको गस्ति टोलोलाइ देखेपछि मियाँ गाँजा छाडी भागेको प्रहरीले जनाएकाे छ । मरामद गाँजा बरामद गरी लागु औषध (नियन्त्रण) ऐन २०३३ बमोजिम आवश्यक कारवाही प्रक्रिया अगाडी बढाईएकाे जिल्ला प्रहरी कार्यालय माेरङका डिएसपी घनश्याम श्रेष्ठले बताए ।
