प्रेम देवान
विराटनगर ८ चैत्र । विराटनगरमा पहिलो पटक आयोजना गरिएको पाँचौ अन्तराष्ट्रिय महिला साफ च्याम्पियनसिप फुटबल प्रतियोगिता भव्य रुपमा सम्पन्न भएको छ ।
पहिलो पटक विराटनगरमा अन्तराष्ट्रिय स्तरको फुटवल प्रतियोगिता आयोजना भईरहँदा घरेलु टिमलाई हौसला र माया समर्थकको बाक्लो उपस्थित रहेको थियो । 
अन्य बेला २ सय र ३ सय को टिकट शुल्क थियो भने आज फाईनलको दिन ५ सय तोकिएको थियो । आम दर्शकको माया भने घरेलु टिमलाई आजको उपस्थिती देखाएको थियो । चारै पटिको प्याराफिट आम दर्शककले भरिएका थिए भने मैदान छेउछाउको घरको छटबाट हेर्ने दर्शक पनि उतिकै मात्रामा देखिन्थ्यो । 
चैत्र महिनाको चर्को घामको कुनै पर्वाह नगरी विराटनगर लगायत सुनसरी, झापा, ईलाम र भारतदेखि आम दर्शकहरुको बाक्लो उपस्थित रहेको थियो ।
शुक्रबार भएको फाइनलमा चिरप्रतिद्वन्द्वी भारतसँग ३–१ ले नेपाल पराजित हुन पुग्यो ।
