बिराटनगर चैत १०,
विराटनगरमा युवायुवतीको लागि मिस्टर एण्ड मिस टिन पुर्वान्चल २०१९ को दोस्रो सिजनको पहिलो अडिसन सम्पन्न भएको छ ।
विराटनगरको मेरील्याण्ड कलेजमा आयोजना गरिएको पहिलो अडिसनमा युवायुवतीको उल्लेखनीय उपस्थिति रहेको थियो । युवायुवतीमा रहेको प्रतिभालाई उजागर गरेर समाजमा उनिहरुको योगदान प्रदान गर्न उक्त कार्यक्रम आयोजना गरिएको कार्यक्रमका प्रबन्ध निर्देशक रोनक अग्रवालले जानकारी दिए ।
अडिसनको निर्णायकमा अोबि मिडिया प्रालिका निर्देशक तथा युवा अभियानकर्मी विवेक दाहाल , मेकअप आर्टिस सुशील स्वेक्छा, सानिमा इन्स्योरेन्सका विराटनगर प्रमुख सन्तोष आचार्य , कोरियोग्राफर सपना राजबंशी , शिक्षिका सन्जु शाक्य र फेसन डिजाइनर जिनु श्रेष्ठ रहेका थिए ।
कार्यक्रमको दोस्रो विराटनगर अडिसन पनि चाडै आयोजना हुने साथै विर्तामोड , इटहरी लगायतका ठाउँमा पनि अडिसन गरिने कार्यक्रमका चेयरमैन नवनित राज प्रधानले जानकारी दिए । कार्यक्रमको अफिसियल मिडिया आवर विराटनगर डट नेट रहेको छ ।
