विराटनगर १० चैत । विराटनगर – ९ मा रहेको भानु कलेजले कक्षा १२ का विज्ञान तथा व्यवस्थापन संकायका विद्यार्थीहरुलाई आइतबार एक कार्यक्रम आयोजना गरी बिदाई गरेको छ ।
कलेजमा अध्यनरत १४ औं ब्याचका ३ सय ५० जना अध्ययनरत विद्यार्थीहरुलाई मायाँको चिनो प्रदान गरी कलेजले बिदाई गरेको हो ।
कार्यक्रममा कलेजको लिएको आन्तरीक परीक्षामा प्रथम दोस्रो र तेस्रो हुने विद्यार्थीहरुलाई पुरस्कृत गरेको हो । कलेजले राष्ट्रिय परिक्षा बोर्डको परिक्षामा कलेज प्रथम हुने सुमित राजवंशी र दोस्रो हुने सन्दिप यादवलाई नगदसहित सहित सम्मान गरेको थियो ।
कार्यक्रममा कलेजका अध्यक्ष महेन्द्र सिटौला, कलेजका प्राचार्य देवेश प्रधान,कलेजका संस्थापकद्वय प्रा.डा. देवेन्द्र अधिकारी र प्रा.डा. दामोदर थापा क्षेत्री र कलेजका को–अर्डिनेटर आर.सी. कोइरालालगायतले भानु कलेजले अझै शैक्षिक गुणस्तर विस्तार गरेर जाने भन्दै विद्यार्थीलाई शुभकामना दिएर विदाई गरेको थिए । कलेजका विद्यार्थी मनिष देव, अमिरवरसिंह थापा र गरिमा अधिकारी लगायतले कलेजका वितेका दुई वर्षको अनुभव सुनाएका थिए ।
