विराटनगर, १० चैत । मोरङको धनपालथान गाउँपालिका-६ मा रहेको श्री सरस्वती माध्यामिक बिद्यालय दादरबैरियामा एसईई परीक्षा केन्द्रले २ जना परिक्षा निरीक्षकलाई निष्काशित गरेको छ भने १ परिक्षार्थीको आजको परिक्षा रद्द गरेको छ ।
साे परिक्षा केन्द्रमा शिवशक्ति माध्यामिक विद्यालय सोराभागकी परिक्षार्थी ऐश्वरी राईलाई मोवाईलबाट चिट चोरिरहेको अवस्थामा केन्द्रका केन्द्राध्यक्ष भागवत यादवले फेला पारेपछी निज परिक्षार्थीको आजको परिक्षा रद्द गरेको जनाएको छ । साथै सोही परिक्षा केन्द्रमा खटिएका शिक्षक संजय चौधरी र शिक्षिका शीलाकुमारी राजवंशीलाई अमर्यादीत तरिकाले परीक्षा गराएको पाईएपछि दुवै जनालाई एसईई परिक्षा अवधिभर परिक्षा निरीक्षकबाट हटाएको शिक्षा विकास तथा समन्वय ईकाईले जनाएकाे छ ।
