वुटवल, १३ चैत । बुटवलमा बुुधबार साँझ गोली चल्दा भारतीय नागरिक फिरोज खानको मृत्यु भएको छ । बुुटवल उपमहानगरपालिका १ मैनाबगरमा अज्ञात समूहले गोली चलाउदा करिव ४५ वर्षिया खानको मृत्यु भएको हो । खान मैनाबगरमा रहेको अटो भिलेजका कामदार हुन् । बुुटवल वडा नम्बर १ का वडा अध्यक्ष महेन्द्र लिगलले मैनाबगरमा गोली चलेको बताए । उनको छातिमा गोली लागेको प्रहरीको भनाइ छ। प्रहरीका अनुसार लुम्बिनी प्रादेशिक अस्पतालमा उपचारका क्रममा उनको मृत्यु भएको हो ।
