विराटनगर, १८ चैत । पूर्वाञ्चल साहित्य प्रतिष्ठान विराटनगरले यो वर्षको ‘कवि टेकनाथ–शिवा अधिकारी साहित्य संस्कृति पुरस्कार’ रोचक घिमिरेलाई प्रदान गर्ने निर्णय गरेको छ ।
नेपाली भाषासाहित्य एवं साहित्यिक पत्रकारितामा दीर्घसेवा गरेबापत उनलाई उक्त पुरस्कार प्रदान गरिएको हो । पूर्वाञ्चल साहित्य प्रतिष्ठानका महासचिव गोकुल अधिकारीले स्थापना गरेको सो पुरस्कार यसअघि मनिराज जोशी, भाषाषाशास्त्री बालकृष्ण पोखरेल र डा. तुलसी भट्टराईलाई प्रदान गरिएको थियो । पुरस्कार आगामी वैशाख २३ गते टेकनाथ अधिकारीको जन्मजयन्तीको दिन विराटनगरमा आयोजना गरिने कार्यक्रममा अर्पण गरिने प्रतिष्ठानका सचिव मीनकुमार नवोदितले जानकारी दिए ।
