विराटनगर, २२ चैत । मोरङको पथरी-शनिश्चरे नगरपालिका-१ बाट प्रहरीले लागूऔषध सहित एक जनालाई पक्राउ गरेको छ ।
लागूऔषध सहित सोही स्थान बस्ने बर्ष ३३ को जगत गुरुङलाई पक्राउ गरेको हो । गुरुङले घरमा लागूऔषध लुकाई छिपाई राखेको भन्ने गोप्य सूचनाको आधारमा इलाका प्रहरी कार्यालय पथरीबाट खटिएको प्रहरी टोलीले लागूऔषध डाइजेपाम-१० एम्पुल, लुपिजेसिक- १० एम्पुल, फेनारगन-१० एम्पुल र सिरिन्ज-१ थान फेला पारेको थियो । पक्राउ परेका गुङलाई इलाका प्रहरी कार्यालय पथरीमा राखि थप अनुसन्धान भईरहेको छ ।
