काठमाडौं, ८ वैशाख। बझाङको खप्तड छान्ना गाउँपालिका बाँसपाटामा जन्ती बोकेको जिप दुर्घटना हुँदा एक जनाको मृत्यु भएको छ ।
से१ज ७१८ नम्बरको जिप दुर्घटना हुँदा ७ जना घाईते भएका छन् । मृत्यु हुनेमा खप्तड छान्ना गाउँपालिका–४ का ६० वर्षीय बासुदेब जोशी छन् । पानी परेको अवस्थामा जिप सडकबाट करिब १५ मिटर तल खसेको स्थानीयले बताएका छन् ।
घाईतेहरुको जिल्ला अस्पताल बझाङमा उपाचार भइरहेको स्थानीय केशवराज जोशीले जानकारी दिए ।
उता, बागलुङको घोडाबाँधेमा पनि जन्ती बोकेको बस दुर्घटना हुँदा एक जनाको मृत्यु भएको छ भने ९ जना घाइते भएका छन् । ताराखोला गाउँपालिका माझखर्कबाट काठेखोला गाउँपालिका लेखानीतर्फ जाँदै गरेको ध१ख ४६८ नम्बरको बस दुर्घटना भएको हो ।
दुर्घटनाबाट काठेखोला गाउँपालिकाका गंगाबहादुर विकको मृत्यु भएको जिल्ला प्रहरी कार्यालय बागलुङले जनाएको छ । दुर्घटनाबाट ३ जना गम्भीर घाइते भएका छन् भने अन्यको अवस्था सामान्य रहेको छ ।
