विराटनगर बैशाख ९, विराटनगरमा अन्तर्राष्ट्रिय ६० सेकेन्डको फिल्म फेस्टिभल हुने भएको छ । विराटनगर स्पिकर्स क्लबको स्थानीय संयोजन साथै ओबि मिडिया प्रालिको सहकार्यमा उक्त कार्यक्रम हुन लागेको हो ।
विराटनगर भृकुटी मार्गमा रहेको मेरिल्याण्ड कलेजमा बैशाख १२ गते हुन लागेको उक्त कार्यक्रममा विभिन्न विधाका ६० सेकेन्डका फिल्म देखाइने आयोजक क्षितिज खनालले जानकारी दिए ।
दिउँसो ३ बजेबाट उक्त कार्यक्रम सुरु हुने साथै कार्यक्रममा सामेल हुन कुनै शुल्क नलाग्ने पनि उनले बताए ।
