विराटनगर, १४ बैशाख ।
मोरङको सुन्दर हरैँचा ११ का दुई महिलालाई बोक्सीको आरोप लगाउने ४ जनालाई प्रहरीले पक्राउ गरेको छ । ईलाका प्रहरी कार्यालय बेलवारीले ति महिलालाई बोक्सीको आरोप लगाएपनि पक्राउ गरेको हो ।
बैशाख ११ गतेको सोही स्थानका केही पुरुष र महिलाले बोक्सीको आरोप लगाएको प्रहरीको भनाई छ । यसरी पक्राउ पर्ने सुन्दर हरैचा ११ की ३२ बर्षिय शशीकला खवास, बर्ष ६३ की टुन्का खवास, बर्ष अन्दाजी ३५ का श्यामलाल खवास र बर्ष ३१ का राम कुमार खवासलाई ईलाका प्रहरी कार्यालय बेलबारीले नियन्त्रणमा लिएको जिल्ला प्रहरी कार्यालय मोरङका डिएसपी घनश्याम श्रेष्ठले जानकारी दिए । उनीहरुले बोक्सीको आरोप लगाएर कुटपिट समेत गरेको प्रहरीले जनाएको छ । पक्राउ परको ब्यक्तिहरुलाई बोक्सीको आरोप, कसुर र सजाय ऐन २०७२ बमोजिम म्याद थप भई अनुसन्धान शुरु भएको श्रेष्ठले जानकारी दिए ।
