मोरङ, बैशाख १४।
बोक्सीको आरोप लगाई कुटपिट गरेको आरोपमा ईलाका प्रहरी कार्यालय बेलवारीले ४ जनालाई नियन्त्रणमा लिएको छ । पक्राउ पर्नेहरुमा मोरङको सुन्दर हरैचा नगारपालिका-११ की ३२ बर्षीया शशीकला खवास, ६३ बर्षीया टुन्का खवास, ३५ बर्षीय श्यामलाल खवास र बर्ष ३१ का राम कुमार खवास रहेका छन् ।
उनीहरु ४ जनाले नै स्थानीय २ जनालाई बोक्सीको आरोप लगाई कुटपीट गरेको आरोपमा ईलाका प्रहरी कार्यालय बेलवारीले नियन्त्रणमा लिएको हो । पक्राउ परेका ४ जनालाई नै बोक्सीको आरोप, कसुर र सजाय ऐन २०७२ बमोजिम सम्मानित जिल्ला अदालत मोरङवाट म्याद थप गरी अनुसन्धान कार्य भई रहेको जिल्ला प्रहरी कार्यालय मोरङले जनाएको छ ।
