विराटनगर, १४ बैशाख। मोरङको सुन्दर हरैचा नगरपालिका-३ बेलगाछी भित्री सडक खण्डमा मोटरसाईकल दुर्घटना हुदा २ जना घाईते भएका छन । आज दिउँसो दक्षिण बाट उत्तर तर्फ आउदै गरेको को.९ प ८०१६ नम्बरको मोटरसाईकल आफै अनियन्त्रित भई दुर्घटना भएको थियो ।
दुर्घटना हुदा मोटरसाईकलमा पछाडी सवार जिल्ला ताप्लेजुङ याशोक गाउँपालिका-२ बस्ने २५ बर्षिय सम्भर लिम्बु गम्भिर घाईते भएका छन । उनलाई उपचारको लागी धरान स्थित वी.पी. कोईराला स्वास्थ्य विज्ञान प्रतिष्ठान पठाईएको छ भने मोटरसाईकल चालक जिल्ला संखुवासभा चैनपुर-९ बस्ने २० बर्षिय अनिल कार्की र मोटरसाईकललाई प्रहरी चौकी गछियाले नियन्त्रणमा लिएको जिल्ला प्रहरी कार्यालय मोरङले जनाएको छ ।
