इटहरी, १५ बैशाख। कलाकार तथा निर्मात्री प्रज्ञा जोशी जेल चलान भएकी छिन । जग्गा दिने भन्दै ५० लाख ठगी गरेको आरोपमा इटहरीबाट पक्राउ परेकी जोशी ४० लाख धरौटी बुझाउन नसकेपछि जेल चलान भएकी हुन ।
लामो समय देखि इटहरीमा लुकिछिपि बस्दै आएकी जोशीलाई इटहरी प्रहरीले पक्राउ गरेको हो । केही साता अघि इटहरी प्रहरीले पक्राउ गरेको थियो । सुबर्ण कुमारी श्रेष्ठले आफुलाई ठगेको भन्दै महानगरीय प्रहरी परिसर काठमाण्डौमा दिएको उजुरीको आधारमा कलाकार जोशीलाई पक्राउ गरीएकाे प्रहरीले जनाएकाे छ ।
४० हजार धरौटी बुझाउन नसके पछि कलाकार जोशी जेल चलान भएकी प्रहरीले जनाएको छ । उनले ५० लाख भन्दा बढी बाउन्स चेक दिएर ठगी गरेको महानगरीय अपराध अनुसन्धान महाशाखामा उजुरी परेको थियो । कलाकार जोशी विभिन्न समयमा आर्थिक विवादमा पदै आएकी छिन् । सञ्चार पाटी
