विराटनगर, १५ वैशाख । राष्ट्रिय सौन्दर्यकर्मी युनियन नेपाल महानगर कमिटिले विराटनगरको जागृति महिला बृद्धाआश्रमका वृद्धाआमाहरुलाई फलफुल तथा भोजन गराएका छन् ।
मातातीर्थ औँसीको अवसरमा आश्रममा रहेका एक दर्जन वृद्धा आमाहरुको फलफुल तथा भोजन गराउँदै केक काटेर समेत खुवाएका थिए । मातातीर्थ औसीको अवसर पारेर वृद्धा आमाहरुलाई फलफुल तथा भोजन गराईएको राष्ट्रिय सौन्दर्यकर्मी युनियन नेपाल विराटनगर महानगर कमिटिकी अध्यक्ष सायदा तबस्सुमले जानकारी दिर्एन् ।
विराटनगरको पुष्पलाल चोकमा रहेको महिला जागृति वृद्धाआश्रमका आमाहरुको नङ, कपाल काटेर श्रृङ्गारका सामान समेत प्रदान गरेका थिए । सौन्दर्यकलाकर्मीहरुले आश्रममा रहेका आमाहरुसँग बसेर नाचगान समेत गरेर बृद्धाआमाहरुलाई मनोरञ्जन प्रदान गरेका थिए ।
आमासेवा नाम दिईएको कार्यक्रममा नेपाल ट्रेड युनियन महासंघ (जिफन्ट) महानगर कमिटि उपाध्यक्ष कला डाँगी, राष्ट्रिय सौन्दर्यकर्मी युनियन नेपालकी पूर्व जिल्ला अध्यक्ष ललिता धिमाल , सचिव सुमि राई लगायत कमिटिका पदाधिकारीहरुको उपस्थिती रहेको थियो ।
