विराटनगर बैशाख २८,
विराटनगरमा प्रहरीलाई सवारी चेकजाँचको क्रममा घुस दिने एक मोटसाइकल चालक समातिएका छन् ।
विराटनगर वडा नम्बर ६ मा सवारी चेकजाँच गर्ने क्रममा मोटरसाइकलको बिलबुक भित्र राखेर प्रहरीलाई पाँच सय रुपैयाँ घुस दिने चालकलाई पक्राउ गरिएको हो ।
को.१८ प ४९२२ नम्बरको मोटरसाइकल चालक सुनसरीको झुम्का बस्ने २८ वर्षिय विनोद सरदारलाई प्रहरीले पक्राउ गरेको हो ।
सवारी चालक अनुमति पत्र सरदारसँग नभएपछि चेकिङमा खटिएको प्रहरीलाई बिलबुक भित्र राखेर पैसाँ दिने क्रममा प्रहरीले पक्राउ गरेको जिल्ला प्रहरी कार्यालय मोरङले जनाएको छ ।
प्रहरीलाई आर्थिक प्रलोभनमा पार्न खोजेका सरदारलाई प्रहरीले आवश्यक कानूनी कारवाहीका लागि जिल्ला प्रशासन कार्यालय मोरङबाट म्याद थप गरि अनुसन्धान प्रक्रिया अगाडी बढाएको छ ।
